Skammdegishátíðin Þollóween hefur verið í gangi síðan á mánudag og klárast dagskráin í dag, sunnudag, með flóamarkað í Versölum.
Alla vikuna hafa verið 2-3 viðburðir á hverjum degi og allstaðar hefur mætingin farið fram úr björtustu væntingum skipuleggjanda. Eins og áður hefur komið fram er hátíðin skipulögð og framkvæmd af nokkrum konum í bænum og öll vinna þeirra unnin í sjálfboðastarfi.
Síðasti dagskráliðurinn er flóamarkaðurinn Komdu og skoðaðu í kistuna mína, þar sem verður hægt að gera góð kaup og eru Sunnlendingar allir hvattir til að fá sér bíltúr í Þorlákshöfn.
Markaðurinn er frá kl. 13-17 og verða óvæntar uppákomur!