Það verður fjölbreytt dagskrá í kringum höfnina í Þorlákshöfn sjómannadagshelgina 31. maí – 1. júní.
Fjölskyldudagskrá verður á útisviði á Herjólfsbryggju á laugardeginum þar sem m.a. Una Torfa, Lalli töframaður, Solla stirða, Halla hrekkjusvín og fleiri stíga á svið. Skipið Þinganes verður til sýnis fyrir gesti og mun þyrla Landhelgisgæslunnar fjúga yfir svæðið.
Margt annað skemmtilegt verður í boði, til dæmis sögusýning, tónleikar, sjómannadagsgleði, hoppukastalar, vöfflusala, hopp í sjóinn og fleira. Kl. 15:30 verður nýja Suðurvararbryggjan vígð.
Á sjómannadaginn verður sjómannadagsmessa, kaffihlaðborð í Versölum og tónleikar í Þorlákskirkju með Sigríði Thorlacius.