Vinir Tungnarétta er félag sem stofnað var 3. febrúar sl. Tilgangur félagsins er að afla fjár og sjá um enduruppbyggingu, viðhald, bæta ásýnd og aðkomu að Tungnaréttum í samstarfi við Bláskógabyggð.
Árið 2015 verða Tungnaréttir 60 ára og er stefnt að framkvæmdum verði lokið fyrir þann tíma. Stofnfélagar í félagsskapnum eru 101 talsins.
Föstudaginn 9. mars, standa Vinir Tungnarétta fyrir fjáröflunarsamkomu vegna enduruppbyggingar Tungnarétta. Skemmtunin verður haldin í Aratungu. Húsið opnar kl. 19:00 og skemmtunin hefst svo kl. 20:30. Aðgangseyrir verður kr. 2500.
Margt verður til skemmtunar m.a. pakkauppboð, happdrætti, hinn alkunni Tungnaréttasöngur svo fátt eitt sé nefnt. Aðgöngumiðinn gildir sem happdrættismiði en í verðlaun er glæsilegt tryppi. Léttar veitingar á boðstólum en léttir drykkir verða til sölu. Fólk er hvatt til að mæta tímanlega.
Hægt er að styrkja enduruppbyggingu Tungnarétta með frjálsum framlögum með því að leggja inná reikning félagsins. Reikningsnúmer: 0151-26-000200, kt: 640212-0200
Allir eru velkomnir á fjáröflunarsamkomuna 9. mars.