Skálholtkórinn býður öllum að koma á opna kóræfingu sem haldin verður á Vínstofunni á Friðheimum þriðjudagskvöldið 27. febrúar kl. 20.
Það eru allir hjartanlega velkomnir á Vínstofuna og er þetta kjörið tækifæri fyrir áhugafólk um söng að mæta og syngja, eða bara hlýða á og síðast en ekki síst njóta þess sem hin frábæra Vínstofa hefur upp á að bjóða.
Sungin verða hin sígildu „fjárlög“ ásamt mörgum öðrum þekktum og góðum lögum úr ýmsum áttum. Samkomunni lýkur um klukkan 22.
Söngstjóri er Jón Bjarnason dómorganisti í Skálholti.
