Sumri verður fagnað í Selfosskirkju á sumardaginn fyrsta með fimleikamessu sem hefst kl. 10:30.
Iðkendur úr fimleikadeild Umf. Selfoss sýna æfingar í messunni, þjálfari og einn úr hópi Evrópumeistaranna í fimleikunum flytja stutt erindi. Hreyfisöngvar og sumarsálmar verða sungnir en sr. Óskar og sr. Ninna Sif munu leiða stundina.
Sérstök athygli er vakin á því að messan hefst kl. 10:30 (en ekki kl. 11 eins og venjulega) og auðvitað eru allir hjartanlega velkomnir.
Að henni lokinni verður viðstöddum boðið upp á grillaðar pylsur og svaladrykk.