Nú er sumarið komið í Fljótshlíðina og sumargleðin við völd í Hlöðunni að Kvoslæk.
Næstkomandi laugardag, þann 8. júní kl. 15:00 munu Diddú og drengirnir halda tónleika í Hlöðunni.
Sigrún Hjálmtýsdóttir flytur sín uppáhaldslög ásamt sex blásurum, þeim Sigurði Ingva og Kjartani á klarinett, Birni Th. og Brjáni á fagott og Emil og Frank á horn.
Tónleikarnir eru þeir fyrstu í röðinni af fimm tónleikum sem fyrirhugaðir eru í sumar að Kvoslæk undir yfirskriftinni Skemmtistund í sveitinni.