Dávaldurinn og uppistandarinn Sailesh snýr aftur til Íslands, fimmtán árum eftir að hann kom síðast fram hér á landi og vakti mikla athygli.
Að þessu sinni verður hann með sýningar á Sviðinu Selfossi þann 16. apríl, ásamt Reykjavik og Akureyri.
Sailesh hefur á undanförnum árum ferðast víða um heim með svokallaða sviðsdáleiðslu, þar sem nokkrir áhorfendur eru dregnir upp á svið og verða sjálfir hluti af sýningunni og byggja á samspili dáleiðara og gesta, þar sem hugmyndaflug, hópdýnamík og húmor skapa aðstæður sem geta orðið bæði óvæntar og sprenghlægilegar. Sailesh er meðal annars þekktur fyrir að geta látið fólk upplifa fullnægingu með því einu að taka í höndina á því.
Í kynningarefni segir að nýja sýningin sé byggð á traustum grunni fyrri uppsetninga, en með fersku efni og nýjum atriðum. Sailesh hefur verið þekktur fyrir sem einn þekktasti óritskoðaði sviðsdávaldur heims og hafa fjölmiðlar víða erlendis fjallað um sýningar hans sem kraftmiklar og afar fyndnar.
Sýningarnar eru ekki ætlaðar börnum. Aldurstakmark er 18 ára.
MTV Europe
„Sjúklega fyndin sýning! Ég hef ekki hlegið svona mikið í mörg ár.“
Miami Herald
„Taktu með þér vasaklút og hreinar nærbuxur. Ég lofa því að þú munt gráta af hlátri og það eru góðar líkur á því að þú missir þvag að auki.“
Daily Star
„Ég hló eins og brjálæðingur. Fór aftur á sýninguna og hló eins og geðsjúklingur. Drottinn minn dýri, ég hef aldrei lent í öðru eins.“