Árleg byssusýning Veiðisafnsins á Stokkseyri sem í ár verður í samvinnu við Gallery Byssur/Byssusmiðju Agnars verður haldin 17.-18. mars í húsakynnum Veiðisafnsins við Eyrarbraut 49.
Gallery Byssur/Byssusmiðju Agnars sýnir úrval skotvopna og búnað til skotveiða ásamt sjónaukum og aukabúnaði, til sýnis og sölu.
Fjölbreytt úrval skotvopna verður til sýnis, haglabyssur, rifflar, skammbyssur, herrifflar ásamt ýmsu tengdu skotveiðum m.a úr einkasöfnum. Kynntar verða byssur frá Browning, Winchester og fleirum en einnig sjónaukar frá Minox ásamt skotum frá Express. Sýningartilboð verður á byssum og skotum.
Sérstakir gestir sýningarinnar eru félagar úr Skotíþróttafélag Suðurlands – SFS og munu félagsmenn sýna byssur í eigu félagsmanna SFS og kynna félagið sem og aðstöðu SFS. Ný stjórn SKOTVÍS verður á staðnum með kynningu.
Til sýnis eru líka skotvopn og munir frá Sverri Scheving Thorsteinssyni, Sigurði Ásgeirssyni, Einari frá Þverá, Sveini Einarssyni frv.veiðistjóra, Sigmari B. Haukssyni og Drífu-haglabyssur frá Jóni Björnssyni heitnum frá Dalvík svo eitthvað sé nefnt.
Sýningin er opin báða dagana frá 11-18 og er allt áhugafólk um skotvopn og veiðar er velkomið. Aðgangseyrir er kr. 1.500.- og 750 kr. fyrir börn 6-12 ára.