Þær stöllur Ása Bjarnadóttir og Halldóra Björk Guðmundsdóttir fóru af stað fyrr í vetur með þá hugmynd að setja upp sýningu undir stiganum á bókasafninu í Þorlákshöfn, þar sem lífið í Selvoginum yrði viðfangsefnið.
Þær söfnuðu að sér munum, viðtölum og myndum, ásamt þeim hlutum sem fundust uppá háalofti á B götu 10.
Fimmtudaginn 10. ágúst síðastliðinn var sýningin opnuð fyrir gestum með pompi og prakt og má segja að sjaldan eða aldrei hefur aðsóknin verið eins mikil.
Áhugasamir eru hvattir til að koma á þessa sýningu sem verður í gangi út september, hún er opin alla virka daga frá 12.30 – 17.30.