Hin árlega Bryggjuhátíð Stokkseyrar verður sett á Stokkseyrarbryggju í kvöld. Á kvöldvökunni í kvöld verður bryggjusöngur undir stjórn Ingvars Valgeirs úr hljómsveitinni Swiss og hann mun að því loknu halda uppi stuðinu á balli á Draugabarnum.
Listafólk mun opna vinnustofur sínar alla helgina, Heiðarblómi og Brimrót bjóða fólk velkomið, á Veiðisafninu verður frítt inn fyrir 12 ára og yngri í fylgd með fullorðnum og frítt verður í sund fyrir 17 ára og yngri, svo fátt eitt sé nefnt.
Á laugardag verður Leikhópurinn Lotta á ferðinni, boðið verður upp á rúlluskautafjör, hringekju og hoppukastala auk þess sem fornbílar verða á ferðinni.