Hin árlega Bryggjuhátíð fer fram á Stokkseyri laugardaginn 4. júlí. Hápunktur hennar er kvöldskemmtun á Stokkseyrarbryggju.
Eftir hádegi á laugardag verða hátíðarhöld á túninu við sjoppuna þar sem meðal annars verður markaður, hringekja og hoppukastalar auk þess sem Leikhópurinn Lotta skemmtir gerstum.
Á laugardagskvöldið verður skemmtun á bryggjunni þar sem fram koma BMX Brós, Kristmundur Axel og trúbadorinn Andri Þór.
Þá má minna á að opið er á laugardaginn hjá Kayakferðum, í sundlauginni og á Veiðisafninu auk þess sem bókamarkaður, tónlist og almenn kósíheit verða á Brimrót í félagsheimilinu Gimli. Þar verður Gallerí Gimli einnig með garðsölu.