Söngsveit Hveragerðis heldur sína árlegu vortónleika í Hveragerðiskirkju í kvöld kl. 20.
Eins og önnur vor flaggar Söngsveitin góðum gestum, en það eru bræðurnir frá Álftagerði í Skagafirði þeir Sigfús og Óskar Péturssynir. Munu þeir bæði syngja einsöng og tvísöng. Margrét Stefánsdóttir, stjórnandi Söngsveitarinnar, syngur einnig einsöng.
Efnisskrá tónleikanna er létt og skemmtileg, innlend og erlend kóra- og söngleikjalög. Undirleikari á píanó er Ester Ólafsdóttir.