Miðvikudagskvöldið 13. október frá kl. 20-22 verður bleikt boð í HÚM stúdíó á Selfossi.
Þar verður happdrætti með glæsilegum vinningum en meðal annars verða listaverk, gjafir og gjafabréf frá fyrirtækjum á svæðinu. Öll sala happdrættismiðanna rennur til Krabbameinsfélagsins.
Thury Hannesdóttir verður með lifandi tónlist og bleikir drykkir verða á borðum. Auk þess mun 10% ágóði af seldum bleikum verkum renna til Krabbameinsfélagsins.
Við hvetjum fólk til að kíkja við til að styrkja gott málefni. HÚM stúdíó er staðsett á Austurvegi 9, 2. hæð.
