Hátíðin Vor í Árborg verður haldin í Sveitarfélaginu Árborg í þessari viku en hátíðin verður sett síðasta vetrardag og lýkur sunnudaginn 26. apríl. Í ár verða Barnamenningardagar á Suðurlandi sömu daga, þar sem lögð verður sérstök áhersla á barnamenningu.
Barnamenningardagarnir verða settir formlega miðvikudaginn 22. apríl klukkan 17:00 í miðbæ Selfoss. Þá verður ljósmyndasýningin „Árborg með augum barna“ formlega opnuð. Auk þess verða dansatriði frá Dansakademíunni, Blásarasveit frá Tónlistarskóla Árnesinga leikur og nemendur Vallaskóla sýna siguratriði Skjálftans 2025.
Síðan færist fjörið inn á Sviðið þar sem veitt verða verðlaun í ljósmynda-, ljóða- og stuttmyndakeppnum og þar verður einnig flutt söngatriði úr söngkeppni Zelsíuz.
Dagskrá barnamenningardaga er fjölbreytt og má m.a. nefna myndasýningar leikskólabarna víðs vegar um Árborg, Gunnar Helgason mætir í heimsókn á bókasafnið, opið hús verður hjá Myndlistarfélagi Árnesinga og Félag eldri borgara helgur barnabarnadag. Síðast en ekki síst verður Byggðasafn Árnesinga með stórskemmtilegan viðburð þar sem brunabílar og slökkviliðsbúningar koma við sögu.
Allar nánari upplýsingar um Vor í Árborg og dagskrá barnamenningardaga er að finna á heimasíðu Árborgar.
