Alþjóðlegi jazzdagurinn verður haldinn hátíðlegur á Risinu í Miðbæ Selfoss fimmtudaginn 30. apríl með tónleikum gítarleikarans Björn Thoroddsen og hljómsveitar.
Björn gaf í febrúar síðastliðnum út plötuna Friday Night @ Hringbraut, sem byggir á vinsælum föstudagsútsendingum hans á Facebook á tímum Covid-faraldursins. Þar lék hann fjölbreytt lög, ýmist einn síns liðs eða í félagsskap annarra tónlistarmanna, og hóf hverja útsendingu á einkennandi kveðju: “It’s Friday night at Hringbraut – welcome, welcome, welcome”.
Á tónleikunum á Risinum verður efni plötunnar í forgrunni, en einnig mun Björn flytja valda jazzstandarda og nokkur lög af Bítlaplötu sem hann gaf út fyrir nokkrum árum. Efnisskráin spannar því bæði klassíska og persónulega nálgun hans að tónlist, þar sem hlýlegt andrúmsloft og leikgleði ráða ríkjum.
Með Birni á sviði verða Jón Rafnsson á bassa og Sigfús Örn Óttarsson á trommur.
Tónleikarnir hefjast klukkan 20:00 og er aðgangur ókeypis.