Ljósmyndasýning sem nefnist „Á fjalli“ hefur verið opnuð í Heklusetrinu á Leirubakka. Höfundar myndanna eru hjónin Pálmi Bjarnason og Sigrún Kristjánsdóttir.
Þau hafa farið með fjallmönnum í göngur á Landmannaarétt síðastliðin fjögur ár og eru ljósmyndirnar á sýningunni afrakstur þessara ferða. Sýningin er í þremur hlutum; svart/hvítar andlitsmyndir af fjallmönnum, myndir frá daglegu lífi á fjalli og síðan nokkrar myndir af landslaginu sem gangnamenn ferðast um í vikulangri smalamennsku.
Nýlega er komin út vegleg ljósmyndabók, „Incredible Iceland“ með myndum Pálma og Sigrúnar og tveggja félaga þeirra. Auk þess hafa hjónin nýlega sett í loftið ljósmyndavef www.icelandimage.com þar sem þau sýna íslenskar landslagsmyndir.
Sýningin verður opin til 24. september, eða frá sauðburði fram yfir réttir, eins og hæfir viðfangsefninu.