Þröstur og Goddur fjalla um Birgi

Þröstur Helgason og Guðmundur Oddur Magnússon, Goddur, munu fjalla um Birgi Andrésson (1955-2007), list hans og feril í Listasafni Árnesinga kl. 15 í dag.

Í dag er jafnframt síðasti sýningardagur sýningarinnar Þjóðleg fagurfræði í Listasafni Árnesinga.

Þröstur er höfundur bókarinnar Birgir Andrésson – Í íslenskum litum og Goddur er prófessor við Listaháskóla Ísland. Eins og þeim og viðfangsefninu er lagið má búast við fróðlegu og fjörugu erindi í máli og myndum en á sýningunni eru einnig verk eftir Birgi fyrirferðamikil.

Á sýningunni er reynt að skoða hvernig þjóðleg fagurfræði birtist í verkum 12 listamann tvennra tíma. Höfundar annarra verka á sýningunni eru Ásgrímur Jónsson, Gísli Jónsson, Jóhannes Kjarval, Halldór Einarsson, Kristinn Pétursson, Bjarni H. Þórarinsson, Guðjón Ketilsson, Hulda Hákon, Daníel Þ Magnússon, Aðalheiður S. Eysteinsdóttir og Ólöf Nordal.

Nánari upplýsingar er að finna á heimasíðunni www.listasafnarnesinga.is
Aðgangur er ókeypis. Í safninu er notaleg kaffistofa með leskró þar sem hægt er að skoða ýmis rit um myndlist. Einnig er þar leikkró með skapandi kubbum fyrir börn á ýmsum aldri. Safnið er opið fimmtudaga til sunnudaga kl. 12-18.