Stjórn knattspyrnudeildar Umf. Selfoss og Zoran Miljkovic hafa komist að samkomulagi um að Zoran láti af störfum sem þjálfari meistaraflokks karla þegar í stað.
Zoran tók við liði Selfoss síðastliðið haust en gengi liðsins í 1. deildinni í vetur hefur verið langt undir væntingum og sitja Selfyssingar nú í 10. sæti, fjórum stigum frá fallsæti.
Í yfirlýsingu frá stjórn knattspyrnudeildarinnar er Zoran þakkað fyrir samstarfið og honum óskað velfarnaðar í öllu því sem hann tekur sér fyrir hendur í framtíðinni.
Gunnar Rafn Borgþórsson, þjálfari meistaraflokks kvenna, kemur nú inn í þjálfarateymi meistaraflokks karla og mun stýra liðinu ásamt Jóni Steindóri Sveinssyni og Elíasi Erni Einarssyni sem verið hafa Zoran til aðstoðar í sumar.
Næsti leikur Selfyssinga er gegn toppliði Þróttar á heimavelli næstkomandi mánudag.