Kvennalið Selfoss mætti Víkingi í opnunarleik Ragnarsmótsins, eins elsta og virtasta æfingamóts íslensks handbolta, sem hófst í Set-höllinni á Selfossi í kvöld.
Selfoss hafði mikla yfirburði í leiknum, komst í 9-1 í upphafi leiks og staðan um miðjan fyrri hálfleikinn var 13-4. Þá stigu Selfyssingar á gjöfina og leiddu 22-9 í hálfleik.
Munurinn jókst jafnt og þétt í seinni hálfleiknum og varð mestur 21 mark en lokatölur leiksins urðu 39-20.
Perla Ruth Albertsdóttir var markahæst Selfyssinga með 11 mörk, Harpa Valey Gylfadóttir skoraði 6, Arna Kristín Einarsdóttir, Hulda Dís Þrastardóttir, Hulda Hrönn Bragadóttir og Sylvía Bjarnadóttir 4, Emelía Ósk Aðalsteinsdóttir 3 og þær Eva Lind Tyrfingsdóttir, Eva Sól Axelsdóttir og Lilja Ósk Eiríksdóttir skoruðu allar 1 mark. Selma Þóra Jóhannsdótti varði 9 skot í marki Selfoss.