Selfoss 2 mátti sín lítils þegar liðið heimsótti topplið Víkings í Virkið í Safamýri í 1. deild karla í handbolta í dag. Víkingur leiddi frá upphafi og vann öruggan sigur, 39-28.
Víkingar byrjuðu af krafti og komust í 8-2 snemma leiks. Þá hrukku Selfyssingar í gang en þeim gekk illa að vinna niður forskot Víkings og undir lok fyrri hálfleiks skoraði Víkingur fimm mörk í röð svo að staðan var 21-12 í hálfleik.
Munurinn hélst svipaður í seinni hálfleiknum og að lokum unnu Víkingar ellefu marka sigur.
Skarphéðinn Steinn Sveinsson, Bartosz Galeski, Dagur Rafn Gíslason og Jónas Karl Gunnlaugsson skoruðu allir 4 mörk fyrir Selfoss 2, Ragnar Hilmarsson og Aron Leo Guðmundsson 3 og þeir Dagbjartur Máni Björnsson, Bjarni Valur Bjarnason og Þorleifur Tryggvi Ólafsson skoruðu allir 2 mörk.
Garðar Freyr Bergsson og Egill Eyvindur Þorsteinsson vörðu báðir 3 skot í marki Selfoss 2.
Selfoss 2 er í 7. sæti deildarinnar með 18 stig en Víkingur er í toppsætinu með 36 stig.