Selfoss vann góðan sigur á Víkingi Ólafsvík þegar liðin mættust á Selfossvelli í dag í 2. deild karla í knattspyrnu.
Viðar Örn Kjartansson reyndist örlagavaldur Víkinga í dag því hann skoraði tvívegis í fyrri hálfleiknum. Víkingar fengu sín færi en Benjamín Jónsson var betri en enginn í marki Selfoss. Viðar kom Selfyssingum yfir á 23. mínútu og bætti við öðru í uppbótartíma fyrri hálfleiks, 2-0 í leikhléi.
Selfyssingar voru nálægt því að skora þriðja markið en þá kom svar frá Víkingum sem minnkuðu muninn í 2-1 eftir darraðardans í vítateig Selfoss á 69. mínútu. Það var hins vegar varamaðurinn Brynjar Bergsson sem gerði endanlega út um leikinn á 75. mínútu með glæsimarki þegar hann hamraði boltann í netið og lokatölur leiksins urðu 1-3.
Selfoss er í 3. sæti deildarinnar með 8 stig en Víkingur Ó. í 10. sæti með 4 stig.