Viðar með þrennu í öruggum sigri

Viðar Örn Kjartansson skoraði þrennu í fyrri hálfleik þegar Selfoss vann 2-3 sigur á Þrótti í Lengjubikarnum í knattspyrnu í gærkvöldi.

Selfyssingar fengu víti snemma leiks eftir brot innan vítateigs. Viðar Örn fór á punktinn og kom þeim yfir. Hann bætti svo öðru marki við skömmu síðar og svo þriðja markinu úr vítaspyrnu sem hafði verið dæmd á hendi.

Selfyssingar höfðu mikla yfirburði í fyrri hálfleiknum og hefðu vel getað skorað fleiri mörk en Ögmundur Ólafsson markvörður Þróttar bjargaði nokkrum sinnum einn gegn sóknarmanni Selfyssinga.

Í síðari hálfleik héldu yfirburðir Selfyssinga áfram fyrst um sinn en leikurinn róaðist svo þegar liðin fóru að skipta inná varamönnum. Þróttarar skoruðu tvö mörk í seinni hálfleik og bættu því þriðja við í uppbótartíma en markið var dæmt af þar sem brotið var á Jóhanni Ólafi Sigurðssyni markverði Selfoss. Þróttarar voru ekki sáttir og vildu láta markið standa en fengu ekki og lokastaðan því 2-3.

Frétt Fótbolti.net