Dagana 18.-21. apríl fór tuttugu keppenda hópur frá júdódeild Selfoss á aldrinum 10-18 ára ásamt foreldrum og þjálfara til Kaupmannahafnar til að taka þátt á Copenhagen Open 2025.
Mótið er það fjölmennasta og sterkasta á Norðurlöndum ár hvert. Alls voru tæplega 900 keppendur skráðir til leiks að
þessu sinni og komu keppendur víðsvegar að frá Evrópu. Selfyssingarnir öðluðust mikla reynslu á mótinu því flestir voru að keppa á sínu fyrsta móti á erlendri grundu.
Styrmir Freyr Hjaltason náði lengst Selfyssinganna á mótinu en hann tapaði glímu um að keppa um bronsverðlaun eftir að hafa slegið út tvo sterka keppendur í fyrstu umferðunum.
Að mótinu loknu tóku við æfingabúðir í tvo daga þar sem rúmlega 400 þáttakendur tóku þátt og að lokum var farið í verðskuldaða tívolíferð.