Védís Huld Sigurðardóttir, Hestamannafélaginu Sleipni, var um helgina útnefnd Íþróttamaður Ölfuss árið 2025. Védís Huld átti frábært keppnisár og varð tvöfaldur Íslands- og heimsmeistari ungmenna, í fjórgangi og tölti, á Ísak frá Þjórsárbakka.
Védís Huld hefur keppt í hestaíþróttum frá unga aldri og er hún bæði margverðlaunuð og afar reynd í sinni íþrótt. Hún hefur skipað sér í fremstu röð ungra knapa í íslenskum hestaíþróttum og stendur jafnan fyrir sínu með mikilli fagmennsku og yfirvegun.
Átta aðrir íþróttamenn voru tilnefnd í kjörinu, þau Arnar Þór Ingólfsson, frjálsar íþróttir, Bjarki Rúnar Jónínuson, knattspyrna, Emil Karel Einarsson, körfuknattleikur, Geir Sveinsson, rafíþróttir, Hulda Vaka Gísladóttir, hestaíþróttir, Jóhanna Ýr Ágústsdóttir, körfuknattleikur, Unnur Rós Ármannsdóttir, hestaíþróttir og Valgerður E. Hjaltested, bogfimi.
Einnig voru veittar viðurkenningar til félaga og íþróttamanna sem urðu Íslands- eða deildarmeistarar í sínum greinum, sem og til þeirra sem valin voru í landslið á árinu.
