Selfoss tók í kvöld á móti Hamri/Þór í öðrum leik liðanna í umspili um sæti í úrvalsdeild kvenna í körfubolta. Lokatölur í Vallaskóla urðu 60-102.
Munurinn var ekki mikill í 1. leikhluta en í 2. leikhluta stakk Hamar/Þór af og staðan var 32-53 í hálfleik. Munurinn jókst svo enn frekar í 3. leikhluta og í upphafi þess fjórða var staðan orðin 47-87 og úrslitin ráðin.
Jessica Tomasetti var besti maður vallarins, hún skoraði 28 stig fyrir Selfoss. Hjá Hamri/Þór var Jada Guinn stigahæst með 21 stig en Jovana Markovic framlagshæst með 18 stig og 12 fráköst.
Þriðji leikur liðanna fer fram í Þorlákshöfn á annan í páskum. Takist Hamri/Þór að vinna þann leik eru þær komnar í úrslitaeinvígi um sæti í úrvalsdeildinni, annað hvort gegn Fjölni eða Þór Ak. Fjölnir leiðir 2-0 í því einvígi.
Selfoss-Hamar/Þór 60-102 (17-24, 15-29, 15-30, 13-19)
Tölfræði Selfoss: Jessica Tomasetti 28/7 fráköst/5 stoðsendingar, Heiður Hallgrímsdóttir 8/5 fráköst, Valdís Una Guðmannsdóttir 5/7 fráköst, Perla María Karlsdóttir 4, Anna Katrín Víðisdóttir 4, Gígja Marín Þorsteinsdóttir 3, Sigríður Svanhvít Magnúsdóttir 3, Mathilde Boje Sorensen 3, Vilborg Óttarsdóttir 2/5 fráköst.
Tölfræði Hamars/Þórs: Jada Guinn 21/6 fráköst/6 stoðsendingar, Ana Clara Paz 19/6 stoðsendingar, Jovana Markovic 18/12 fráköst, Mariana Duran 16/8 fráköst/8 stoðsendingar, Bergdís Anna Magnúsdóttir 11, Jóhanna Ýr Ágústsdóttir 6, Dagrún Inga Jónsdóttir 6, Emilía Ýr Gunnsteinsdóttir 3, Sólveig Grétarsdóttir 2.