Suðurlandsmót grunnskóla í sveitakeppni í skák fór fram á Flúðum síðastliðinn föstudag. Alls mættu 26 sveitir til leiks frá tíu grunnskólum á Suðurlandi.
Þrettán sveitir kepptu í flokki 1.-7. bekkjar og aðrar þrettán í 8.-10. bekk. Fjórir skákmenn skipa hverja sveit og því voru rétt rúmlega 100 nemendur sem tóku þátt á mótinu. Ekki hafa svo margir sent skáksveitir áður í mótið og greinilegt að skákíþróttin er í góðri uppsveiflu um þessar mundir.
Skáksamband Íslands sá um framkvæmd mótsins með aðstoð Flúðaskóla. Leiknar voru sjö umferðir samkvæmt Monrad kerfinu. Mótið gekk hratt og vel fyrir sig en aðeins ein stutt kaffipása var gerð á mótinu þar sem Flúðaskóli bauð upp á veitingar.
Mikil spenna var í mótinu enda margir góðir skákmenn undir sama þaki. Úrslit fóru þó svo að lokum að í yngri flokki vann Vallaskóli sigur en í þeim eldri var það a-sveit Flúðaskóla sem hrósaði sigri.
Flúðaskóli sendi þrjár sveitir í hvorn flokk og stóðu nemendur sig öll mjög vel og voru sér og sínum til mikils sóma.
Flúðaskóli vill þakka Skáksambandi Íslands fyrir gott utanumhald og framkvæmd. Jafnframt öllum þeim skólum sem tóku þátt fyrir komuna og skemmtilega samveru. Þá eru Aldísi Hafsteinsdóttur, sveitarstjóra, færðar þakkir en hún sá um verðlaunaafhendingu á mótinu.
Úrslit mótsins:
Yngri flokkur (1.-7.bekkur)
1. sæti Vallaskóli 20,5 vinningar
2. sæti Flúðaskóli A 19 vinningar
3. sæti Flóaskóli B 17,5 vinningar
4. sæti Flúðaskóli B 16,5 vinningar
5. sæti Þjórsárskóli 15 vinningar
6. sæti Barnaskólinn á Eyrarbakka og Stokkseyri 14,5 vinningar
7. sæti Hvolsskóli 13 vinningar
8. sæti Flóaskóli A 13 vinningar
9. sæti Flúðaskóli C 12,5 vinningar
10. sæti Sunnulækjarskóli 12, 5 vinningar
11. sæti Flóaskóli C 12 vinningar
12. sæti Laugalandsskóli í Holtum 11,5 vinningar
13. sæti Grunnskólinn á Hellu 11,5 vinningar
Eldri flokkur (8.-10.bekkur)
1. sæti Flúðaskóli A 20,5 vinningar
2. sæti Sunnulækjarskóli A 20 vinningar
3. sæti Hvolsskóli 16,5 vinningar
4. sæti Sunnulækjarskóli B 16 vinningar
5. sæti Laugalandsskóli í Holtum 16 viningar
6. sæti Sunnulækjarskóli D 15,5 vinningar
7. sæti Reykholtsskóli 15 vinningar
8. sæti Flóaskóli A 15 vinningar
9. sæti Flúðaskóli C 15 vinningar
10. sæti Flóaskóli B 12 vinningar
11.sæti Flúðaskóli B 11 vinningar
12. sæti Sunnulækjarskóli C 9 vinningar
13. sæti Flóaskóli C 7,5 vinningar