Stokkseyringar töpuðu sínum fyrstu stigum í C-deild deildarbikars karla í knattspyrnu í kvöld þegar þeir mættu Vængjum Júpíters á Selfossvelli. Gestirnir tryggðu sér sigur í blálokin.
Arilíus Óskarsson kom Stokkseyri yfir á 10. mínútu en Vængir svöruðu í kjölfarið með tveimur mörkum á tíu mínútna kafla og staðan var 1-2 í hálfleik.
Hafþór Berg Ríkharðsson jafnaði metin strax í upphafi seinni hálfleiks og staðan var 2-2 allt fram á lokamínútu leiksins að Vængjum tókst að skora sigurmarkið.
Stokkseyri er í 3. sæti riðils-3 í C-deildinni með 6 stig en Vængir Júpíters eru í 5. sæti með 3 stig.