Ægir heimsótti Keflavík í Reykjaneshöllina í A-deild deildarbikars karla í knattspyrnu í kvöld. Öll fjögur mörk leiksins komu á tuttugu mínútna kafla í seinni hálfleik.
Staðan var 0-0 í hálfleik en á 60. mínútu komust Keflvíkingar yfir. Þeir bættu svo við tveimur mörkum á tveimur mínútum en Atli Rafn Guðbjartsson minnkaði muninn í 3-1 á 80. mínútu og fleiri urðu mörkin ekki.
Ægir er í botnsæti riðils-1 í A-deildinni, án stiga en Keflavík er í 2. sæti með 7 stig.