Þór Þorlákshöfn og FSu eiga bæði leiki á heimavelli í kvöld í 8-liða úrslitum Lengjubikars karla í körfubolta.
Liðin sigruðu í sínum riðlum í undankeppninni og komust í 8-liða úrslit, en undanúrslit og úrslitaleikir verða leiknir á Sauðárkróki um næstu helgi.
Þór mætir Tindastóli í Icelandic Glacial höllinni í Þorlákshöfn í kvöld kl. 19:15 en Stólarnir urðu í 2. sæti í B-riðli.
FSu fær Njarðvík í heimsókn á sama tíma í Iðu en Njarðvíkingar urðu í 2. sæti í A-riðlinum.
Í hinum leikjum 8-liða úrslitanna mætast Haukar og KR annars vegar og Grindavík og Stjarnan hins vegar.
Liðin fjögur sem sigra í kvöld leika svo í undanúrslitum á föstudagskvöld á Sauðárkróki. Úrslitaleikirnir fara fram á laugardag.