Úr mörgum Selfyssingum að velja

Atli Ævar Ingólfsson er í 35 manna æfingahóp landsliðsins. Ljósmynd/Jóhannes Eiríksson

Guðmundur Guðmundsson landsliðsþjálfari hefur valið þá 35 leikmenn sem koma til greina fyrir heimsmeistaramótið í handbolta í janúar.

Í 35 manna hópnum eru Atli Ævar Ingólfsson og Guðmundur Hólmar Höskuldsson, leikmenn Selfoss, en einnig Selfyssingarnir Bjarki Már Elísson, Elvar Örn Jónsson, Guðmundur Árni Ólafsson, Janus Daði Smárason, Ómar Ingi Magnússon og Teitur Örn Einarsson. Það er því ljóst að Guðmundur þjálfari verður ekki í vandræðum með að stilla upp sterku liði á HM.

Reikna má með að 22-24 leikmenn verði í æfingahóp sem kemur saman í janúar en að lokum verða það 20 leikmenn sem fara til Egyptalands.