Uppsveitamenn héldu vestur á firði í dag og mættu Herði á Ísafirði í 5. deild karla í knattspyrnu.
Uppsveitir lentu undir strax á 4. mínútu og heimamenn bættu svo við tveimur mörkum undir lok fyrri hálfleiks, 3-0 í leikhléi.
Þannig stóðu leikar allt þar til tíu mínútur voru eftir en þá skoraði Hörður tvö mörk með þriggja mínútna millibili og lokatölur urðu 5-0.
Uppsveitir eru í 7. sæti A-riðilsins með 13 stig en Hörður er í 4. sæti með 18 stig.