Uppsveitir eru með fullt hús í A-riðli 5. deildar karla í knattspyrnu eftir 1-0 sigur á Afríku á útivelli í kvöld.
Liðin mættust á gervigrasi Þróttar í Laugardal og þar kom fyrirliðinn Pétur Geir Ómarsson Uppsveitum yfir með góðu marki á 21. mínútu.
Það reyndist eina mark leiksins en Pétur Geir fékk reyndar úrvalstækifæri til að skora aftur. Uppsveitir fengu vítaspyrnu á upphafsmínútu seinni hálfleiks en markvörður Afríku varði frá Pétri og lokatölur leiksins urðu 0-1.
Uppsveitir eru með 6 stig á toppi riðilsins, eins og SR og Smári. Afríka er án stiga á botni riðilsins.