Uppsveitir heimsóttu Afríku á Leiknisvöllinn í Breiðholti í C-deild deildarbikars karla í knattspyrnu í gær.
Þetta var engin frægðarför, Afríka komst yfir með ódýru marki strax á 4. mínútu og þrátt fyrir margar góðar sóknir náðu Uppsveitamenn ekki að svara fyrir sig.
Staðan var 1-0 í hálfleik en Afríka skoraði aftur á upphafsmínútum seinni hálfleiks. Uppsveitir héldu áfram að sækja en færin héldu áfram að fara forgörðum og lokatölur leiksins urðu 2-0.
Uppsveitir eru í 6. sæti riðils-1 í C-deildinni, án stiga, en Afríka í 5. sæti með 3 stig.