Uppsveitir tóku á móti Herði í 5. deild karla í knattspyrnu á Laugarvatni í dag og fengu heldur betur flengingu. Leiknum lauk með 1-10 sigri gestanna.
Hörður komst yfir á 9. mínútu en fimm mínútum síðar jafnaði Tómas Ingi Ármann fyrir Uppsveitamenn. Hörður komst aftur yfir á 17. mínútu með marki úr vítaspyrnu og undir lok fyrri hálfleiks kom skelfilegur kafli hjá heimamönnum og gestirnir skoruðu þrjú mörk á sjö mínútum, 1-5 í hálfleik.
Það var blíða á Laugarvatni í dag en samt sáu Uppsveitamenn ekki til sólar í seinni hálfleik. Hörður raðaði inn mörkum með reglulegu millibili og að lokum skildu níu mörk liðin að.
Uppsveitir eru í 7. sæti A-riðils með 9 stig eftir sjö tapleiki í röð. Hörður er í 5. sæti með 13. stig.