Í kvöld kl. 19:30 fer fram árleg uppskeruhátíð frístunda- og menningarnefndar Árborgar. Hátíðin fer fram á Hótel Selfossi.
Á hátíðinni eru þeir einstaklingar sem hafa skarað framúr á árinu í sinni íþrótt heiðraðir ásamt því að íþróttafélögin úthluta úr sínum afrekssjóðum sem sveitarfélagið leggur pening í samkvæmt samningi. Hápunktur kvöldsins er síðan þegar tilkynnt er um kjör íþróttakonu og -karls Árborgar 2022.
Hljómsveitin Gítar og fiðla stígur á stokk og boðið verður upp á kaffi og meðlæti. Hátíðin er öllum opin.