Uppskeruhátíð Árborgar frestað

Barbára Sól Gísladóttir og Haukur Þrastarson voru valin íþróttafólk ársins í Árborg í fyrra. sunnlenska.is/Guðmundur Karl

Uppskeruhátíð frístunda- og menningarnefndar Árborgar hefur frestað fram á nýtt ár. Hátíðin hefur venjulega verið á milli jóla og nýárs.

Í ljósið aðstæðna ákvað nefndin að fresta hátíðinni en á henni hafa meðal annars íþróttakona og -karl Árborgar verið útnefnd, ásamt því að veita viðurkenningar og hvatningarverðlaun fyrir góðan árangur á árinu.

Í ljósi aðstæðna í samfélaginu telur nefndin það ábyrgasta í stöðunni að fresta viðburðinum fram á nýtt ár með þá von að hægt verði að halda hann í opnum sal með áhorfendum. Ný dagsetning verður auglýst síðar.