Ungmennalið Selfoss heimsótti Þór á Akureyri í Grill 66 deild karla í handbolta í gærkvöldi. Akureyringar voru sterkari í leiknum og sigruðu að lokum 39-29.
Þórsarar leiddu frá fyrstu mínútu og voru komnir með fimm marka forskot eftir fimm mínútna leik. Munurinn hélst svipaður allan fyrri hálfleikinn og staðan var 17-13 í hálfleik. Munurinn jókst hratt í upphafi seinni hálfleiks og var orðinn þrettán mörk um hann miðjan.
Sæþór Atlason var markahæstur Selfyssinga með 9 mörk, Gunnar Flosi Grétarsson skoraði 8, Tryggvi Sigurberg Traustason 7, Valdimar Örn Ingvarsson 2 og þeir Hans Jörgen Ólafsson, Árni Ísleifsson og Haukur Páll Hallgrímsson skoruðu allir 1 mark.
Karl Jóhann Einarsson varði 9 skot í marki Selfoss-U.