Selfoss 2 vann öruggan sigur á Herði frá Ísafirði í 1. deild karla í handbolta í dag. Lokatölur í Set-höllinni á Selfossi urðu 36-29.
Hörður byrjaði betur í leiknum en Selfoss jafnaði 5-5 eftir tíu mínútur og liðin skiptust á um að hafa forystuna eftir það, þangað til Harðarmenn gerðu áhlaup og náðu fjögurra marka forystu. Staðan var 15-17 í leikhléi.
Selfoss 2 skoraði fyrstu tvö mörkin í seinni hálfleik og tók frumkvæðið í kjölfarið. Þegar tæpt korter var eftir var staðan orðin 27-22 og sigur Selfyssinga var ekki í hættu eftir það.
Ragnar Hilmarsson var markahæstur Selfyssinga með 12 mörk, Anton Breki Hjaltason skoraði 8, Kári Einarsson 6, Dagur Rafn Gíslason 3, Bjarni Valur Bjarnason og Skarphéðinn Steinn Sveinsson 2 og þeir Arnar Gauti Þorkelsson, Aron Leo Guðmundsson og Guðjón Óli Ósvaldsson skoruðu allir 1 mark.
Garðar Freyr Bergsson varði 9 skot í marki Selfoss og Ísak Kristinn Jónsson 5.
Selfoss 2 er með fullt hús stiga eftir tvær umferðir og er með 4 stig, eins og Grótta sem er í toppsætinu. Hörður er í 11. sætinu án stiga.