Taekwondomaðurinn Úlfur Darri Sigurðsson, Umf. Selfoss, keppti um helgina ásamt landsliði Íslands á 6. Bluewave Open Poomsae meistaramótinu í Basingstoke á Englandi.
Úlfur gerði sér lítið fyrir og komst í úrslit í sínum flokki með næst hæstu einkunn og uppskar hann fjórða sætið eftir harða keppni við eldri iðkendur, en þess má geta að Úlfur var að keppa upp fyrir sig í aldri. Hann er 11 ára gamall en var að keppa í flokki 12-14 ára.
Í tilkynningu frá deildinni óskar taekwondodeild Selfoss Úlfi til hamingju með árangurinn og þakkar einnig Magneu Kristínu Ómarsdóttur fyrir að sjá um sinn mann á mótinu.
![](https://www.sunnlenska.is/wp-content/uploads/2023/09/Ulfur-og-Magnea-898x1024.jpeg)