KFR tók á móti Úlfunum í sex marka leik í 4. deild karla í knattspyrnu á Hvolsvelli í kvöld.
Leikurinn byrjaði fjörlega og eftir 14 mínútur var staðan orðin 3-1. Helgi Valur Smárason skoraði á upphafsmínútunni en Úlfarnir jöfnuðu á 4. mínútu. KFR komst aftur yfir með sjálfsmarki Úlfanna á 10. mínútu og Bjarni Þorvaldsson jók forskotið í 3-1 fjórum mínútum síðar.
Þannig stóðu leikar í hálfleik og reyndar allt fram á 73. mínútu að Úlfarnir minnkuðu muninn í 3-2. Lokakaflinn var spennandi en Úlfarnir áttu lokaorðið og þeir jöfnuðu metin á 83. mínútu.
Staða liðanna breyttist ekki á töflunni eftir jafnteflið. Úlfarnir eru í 5. sæti með 8 stig og KFR í 6. sæti með 7 stig.