U17 ára lið Íslands í handbolta tryggði sér á laugardag 5. sætið á Ólympíumóti Evrópuæskunnar í Baku í Azerbaijan með góðum sigri á Slóvenum, 24-17.
Þrír leikmenn frá Selfossi eru í liðinu, þeir Tryggvi Þórisson, Ísak Gústafsson og Reynir Freyr Sveinsson. Strákarnir stóðu sig feikivel á mótinu, eins og allir liðsfélagar þeirra en mótið var gríðarlega sterkt.
Ísland tapaði aðeins einum leik á mótinu, gegn sigurvegurunum frá Króatíu en átta bestu þjóðir heims í þessum aldursflokki höfðu þátttökurétt á mótinu.