Ægir tapaði öðrum leiknum í röð í kvöld þegar liðið heimsótti KFG í Garðabæinn í 3. deild karla í knattspyrnu.
Ægir byrjaði betur í leiknum og Stefan Dabetic kom þeim yfir á 38. mínútu. Staðan var 0-1 í leikhléi en um miðjan seinni hálfleikinn skoraði KFG tvívegis með stuttu millibili. Þeir bættu svo þriðja markinu við þegar tíu mínútur voru eftir og þar við sat, lokatölur 3-1.
Ægir tapaði sínum fyrsta leik í sumar í síðustu umferð og eru nú komnir niður í 4. sæti deildarinnar með 16 stig.