Það tók Selfoss tuttugu mínútur að tryggja sér sigur þegar liðið fékk Völsung í heimsókn í dag í 1. deild kvenna í knattspyrnu.
Stevie Reynolds fékk frían skalla eftir hornspyrnu á 10. mínútu og hún var aftur á ferðinni tíu mínútum síðar þegar hún slapp í gegn og skoraði af öryggi. Staðan 2-0 og þær urðu lokatölur leiksins þrátt fyrir ágætar sóknir beggja liða.
Selfoss lyfti sér upp í 5. sætið með sigrinum, liðið er með 7 stig eftir fimm umferðir en Völsungur er í 7. sætinu með 6 stig.