Tvö mörk Brynhildar dugðu ekki til sigurs

Brynhildur Sif Viktorsdóttir skoraði tvívegis fyrir Hamar. sunnlenska.is/Guðmundur Karl

Hamar og ÍR gerðu 2-2 jafntefli í 2. deild kvenna í knattspyrnu í kvöld en liðin mættust í Breiðholtinu.

Hamar byrjaði betur í leiknum og Brynhildur Sif Viktorsdóttir kom þeim í 0-2 á fimm mínútna kafla um miðjan fyrri hálfleikinn. ÍR minnkaði muninn undir lok fyrri hálfleiks og staðan var 1-2 í leikhléi.

ÍR-ingar jöfnuðu metin strax í upphafi seinni hálfleiks og þar við sat þrátt fyrir góðar sóknir beggja liða í seinni hálfleiknum.

Liðin eru á svipuðu róli í deildinni; Hamar er í 7. sæti með 5 stig en ÍR í 8. sæti með 4 stig og á leik til góða á Hamar.

Fyrri greinHamar sá á eftir úrvalsdeildarsætinu
Næsta greinKvöldvökur með frábærum listamönnum í Lystigarðinum