Tvö lið frá fimleikadeild Umf. Selfoss tryggðu sér um helgina þátttökurétt á Norðurlandamóti unglinga sem fram fer í Noregi í apríl. Haustmót Fimleikasambands Íslands fór fram um helgina og þar unnu æði 1. flokkur stúlkna og 1. flokkur mix glæsta sigra með þessum árangri.
Liðin sýndu frábæra fimleika og lentu öll 72 stökkin sem þau kepptu með og áttu stórgóðar gólfæfingar. Frammistaðan einkenndist af sterkri liðsheild, leikgleði og áræðni– og það sást skýrt að metnaður og þrotlaus vinna síðustu mánaða var að skila sér á gólfið.
Þjálfarateymið vann af mikilli fagmennsku, og var uppskeran eftirminnileg: tvöfaldur sigur á úrtökumóti. Stúkan var að stórum hluta í vínrauðum lit og stuðningurinn frá áhorfendum ómetanlegur, sem gaf liðunum aukinn kraft í gegnum keppnina.