Selfoss vann góðan sigur á Stjörnunni-b í 1. deild kvenna í körfubolta í íþróttahúsi Vallaskóla í dag. Lokatölur urðu 73-65.
Selfoss var skrefinu á undan megnið af 1. leikhluta og leiddi að honum loknum, 16-12. Selfoss tók spretti í 2. leikhluta en Stjarnan-b svaraði jafnharðan og þegar flautað var til hálfleiks var staðan 38-35.
Áfram var jafnræði með liðunum í 3. leikhluta en Selfoss gerði 9-2 áhlaup undir lok hans og þegar 4. leikhluti hófst var staðan 58-49. Selfoss hélt Stjörnunni-b í öruggri fjarlægð allan 4. leikhluta og vann öruggan sigur að lokum.
Jessica Tomasetti var besti maður vallarins í dag, hún skoraði 31 stig fyrir Selfoss, tók 11 fráköst, sendi 6 stoðsendingar og stal 5 boltum.
Selfoss er í 4. sæti deildarinnar með 16 stig en Stjarnan-b í 8. sæti með 10 stig.
Selfoss-Stjarnan b 73-65 (16-12, 22-23, 20-14, 15-16)
Tölfræði Selfoss: Jessica Tomasetti 31/11 fráköst/6 stoðsendingar/5 stolnir, Mathilde Boje Sorensen 16/6 fráköst, Perla María Karlsdóttir 10, Gígja Marín Þorsteinsdóttir 6/6 fráköst, Þóra Auðunsdóttir 3, Heiður Hallgrímsdóttir 2/4 fráköst, Sigríður Svanhvít Magnúsdóttir 2, Anna Katrín Víðisdóttir 2/6 fráköst, Vilborg Óttarsdóttir 1/5 fráköst.