Það var frábær stemning í Hveragerði í gær þegar hlauparar í Hengill Ultra 2026 komu í mark. Í kvennaflokki 106 km varð sigurvegari Mafalda Sigmarsson frá Portúgal. Mafalda, sem hefur búið á Íslandi undanfarin sex ár, kom í mark á tímanum 18:59,13 klst. eftir sterkt og yfirvegað hlaup. Tómas Aron Viggósson sigraði í karlaflokki á 14:34,14 klst, eftir afar krefjandi aðstæður á brautinni.
Í 53 km hlaupinu sigraði Grétar Guðmundsson í karlaflokki, en í kvennaflokki bar Dalrós Inga Ingadóttir sigur úr býtum á tímanum 5:51,00 klst. Í 26 km hlaupinu var það Egill Gunnarsson úr Fjallahlaupaþjálfun sem kom fyrstur karla í mark á glæsilegum tíma, 1:47,24 klst. Í kvennaflokki sigraði Hildur Aðalsteinsdóttir úr Haukum á tímanum 1:59,56 klst og var þar með fyrsta konan í mark í þeirri vegalengd.
Öll úrslit er hægt að lesa hér.
Hlaupið gekk afar vel þrátt fyrir mikla bleytu á brautinni eftir úrkomu síðustu daga. Veðrið batnaði þegar leið á daginn og mikill fjöldi gesta lagði leið sína í Hveragerði til að fylgjast með keppninni og taka á móti hlaupurum í mark.
Yfir 1.000 hlauparar tóku þátt í Hengill Ultra í ár og keppendur komu frá þrjáttíu og átta löndum til að spreyta sig á fimm vegalengdum um eitt fjölbreyttasta og fallegasta utanvegahlaupssvæði landsins.
Ljósmyndirnar hér fyrir neðan tóku Magnús Stefán Sigurðsson, Mummi Lú og Einar Bárðarson.
