Ægir heimsótti Stjörnuna í Miðgarð í Garðabæ í A-deild Lengjubikars karla í knattspyrnu í kvöld.
Stjörnumenn reyndust sterkari í leiknum, þeir komust yfir á 17. mínútu og bættu svo við öðru marki á 37. mínútu.
Staðan var 2-0 í hálfleik og þrátt fyrir að Stjörnumenn hafi misst mann af velli með rautt spjald á 45. mínútu þá tókst þeim að skora tvívegis á lokakafla leiksins og tryggja sér 4-0 sigur.
Ægismenn eru án stiga á botni riðils-1 eftir þrjá leiki en Stjarnan er á toppnum með 6 stig eftir tvo leiki.