Tinna semur við Selfoss

Tinna Traustadóttir skoraði sjö mörk í leiknum. Ljósmynd: Umf. Selfoss/ÁÞG

Hin bráðefnilega Tinna Sigurrós Traustadóttir skrifaði á dögunum undir samning við handknattleiksdeild Selfoss.

Tinna, sem er aðeins 15 ára gömul, er örvhent skytta og tók hún sín fyrstu skref með meistaraflokki kvenna síðasta vetur og stóð sig með ágætum.

Í tilkynningu frá handknattleiksdeildinni segir að þar á bæ sé fólk gríðarlega ánægt með að eiga svo margar ungar og efnilegar stelpur sem verður spennandi að fylgjast með í vetur og á næstu árum.