Þrír bikartitlar á Suðurland

Jana Lind Ellertsdóttir sigraði Sóleyju Þrastardóttur, UMFN, í úrslitaglímu í -70 kg flokki. Ljósmynd/Glímusamband Íslands

Bikarglíma Íslands fór fram síðastliðinn laugardag í Akurskóla í Reykjanesbæ. Níu keppendur kepptu fyrir hönd HSK og náðust þrír bikarmeistaratitlar í hús.

Jana Lind Ellertsdóttir varð bikarmeistari í flokki kvenna -70 kg og í 3. sæti í opnum flokki.

Óskar Freyr Sigurðsson varð bikarmeistari hjá 14 ára strákum og Sæþór Leó Helgason varð bikarmeistari hjá 12 ára strákum.

Margrét Lóa Stefánsdóttir varð í 2. sæti hjá 12 ára stelpum, Magnús Ögri Stefánsson varð í 3. sæti og Björgvin Guðni Sigurðsson var í 6. sæti hjá 12 ára strákum.

Svandís Aitken Sævarsdóttir varð í 3. sæti hjá 14 ára stelpum og Arnór Leví Sigmarsson varð í 4. sæti hjá 14 ára strákum.

Óskar Freyr SIgurðsson vann allar sínar glímur í 14 ára flokki. Með honum á palli voru Mikael Skarphéðinsson og Keeghan Freyr Kristinsson, báðir úr UMFN. Ljósmynd/Glímusamband Íslands
Þjótandi í Flóahreppi var eina félagið innan HSK sem sendi keppendur til leiks í barnaflokkum. Hér eru þeir með verðlaun sín. Ljósmynd/Stefán Geirsson